الراجل ده هيجننى: ابدأ من امتى؟

٧/١٨/٢٠٠٧

ابدأ من امتى؟

مش عارفة ومش فاكرة امتى الراجل ده بدا يجننى...بس تقريبا من بعد الخطوبة على طول
اعملى واعملى وسوى ..ومش سايبنى انااقوله اعمل اى حاجة خالص ...وانا طبعا قطة صغيرة مش عارفة اقوله ما تعملش كده ولا اعمل كده ...تحكمات غريبة خلتنى اقول ايه اللى عملته فى نفسى ده؟...انا كان مالى ومال الخطوبة والجواز ووجع القلب ده؟!!!!!!!!!!!!!!!
حسيت وقتها بخنقة رهيبة وماكنتش عايزة اكلمه ..واللى زاد وغطى نظام الرنات ده...انا ارنله ليه؟مش لسه متكلمين ؟خلاص ..ولو ما رنتش يبقى مش مهتمية بيه ...ولو رنيت كتير يبقى مش بخليه يركز فى شغله ولا عارف ينام....يعنى انا لما هفضل ارن هعرف اركز انا ولا هعرف انام؟!!!!
حاجة تجنن ... ...

هناك ٩ تعليقات:

washwasha يقول...: والله مش عارفة اقولك ايه بس بما اني من زمايل برايد (عايزة اتجوز)لحد دلوقتي احب اقولك متتبطريش عالنعمة
امال هو خاطبك ليه عشان مكانش لاقي حد يوجع دماغه ويرنله
ههههههههه
ربنا يتمم بخير; ١٩/٧/٠٧ ١٢:٤٥ ص
MestKA يقول...: لسه لما تتجوزوا ان شاء الله هيتجكم
اكتر
ههههههههه
اصل الموضوع ده شر لابد منه ذي ما
بيقولوا
حاولي تتفهمي معاه بهدوء وتعرفيه ايه الحجات اللي بتديئك عشان ميعملهاش; ٢٠/٧/٠٧ ٣:٣٧ م
tweety يقول...: rbna m3aky; ٢٠/٧/٠٧ ٨:٥١ م
saso يقول...: :)
بسيطة جدا اعملي ان موبايلك بايظ
حطية في البلاك ليست حبه .. الموبايل هيكنسل عليه طول الوقت
يسالك قوليله الموبايل بايظ
واجلي تصليحة لحد ما يا هو يتعود .. يانتي تستغني عن الموبايل; ٢٠/٧/٠٧ ١٠:٠٩ م
روح يقول...: ههههههه ياستي رني هو الرن بفلوس صحية في صلاة فجر مثلا لغاية ما يكره الرن اتفقي في مواعيد الصلاة تفكرية بالرن خليها رنة بحسنة عشان تهون عليكي موضوع الرن دة , مدونة جميلة اوي ويارب يحببكم في بعض ويؤلف بين قلبيكم تحياتي; ٢٠/٧/٠٧ ١٠:٣٧ م
غير معرف يقول...: هو ابتدى التحكم و التسلط من دلوقت
اومال بعد الجواز هيعمل ايه؟
معلش انا جاى اهدى النفوس مش اكثر; ٢١/٧/٠٧ ٦:٣٨ م
هوندا يقول...: للاسف احنا مبنحاولش نتعلم ازاى نتعامل مع بعض سوء الولد او البنت; ٢٢/٧/٠٧ ٤:١٠ م
Shreef يقول...: هي فعلا حاجة تجنن بس كويس انك لسه بعقلك..سلام; ٢٣/٧/٠٧ ٩:٥٤ م
لسه بعقلى يقول...: صباحه عسل
ـــــــــــ

)بيستك(
عندك حق ...هوجع دماغه

(ميستكة(
بحااااااااول ..ادعيلى

(تويتى)
يارب

(ساسو)
:)
شريرة انتى ايتها الفتاة

(روح)
بجد ...جزاك الله خيرا
هعمل بنصيحتك بجد

)محمد(
هدى النفوس براحتك ...مش بقولك هيجننى
)هوندا(
علشان كده انا بكتب يمكن اتعلم

(شريف)
شكرا لتعاطفكم
ــــــــــــــــــــــــــــــــ
شكرا ليكم كلكم ...ادعولى بقلبكم; ٢٤/٧/٠٧ ١٢:٠٢ م