8/25/2007

عنيييييييييييييييد

ايوة عنيد ..بعد فترة قليلة من الخطوبة عرفت انه عنيد
صحيح طيب
صحيح انسان عاقل
بس عنيد ..ممكن ما تكونش دى مشكلة مع واحدة رايقة وفايقة وضاربة طناش فى كل حاجة
لكن معايا انا ما ينفعش ..لانى وبلا فخر عنيدة زيه واكتر كمان
بس ما حاولتش ابدا اعانده او اظهرله ده
كل ما كان يعاند فى حاجة اخده بالسياسة كده وبالطيبة ..لغاية ما يهدى ويبطل عند
لكن انه يعاند ويوصل عنده انى يكون سبب فى اهانتى ..ده ما اقبلوش ابدااااااااااااااااااااااااا
ازاى يعنى عايزنى اعتزر او اصالحه فى غلط انا ما عملتوش ..هو اساسا مافيش غلط حصل ولا اى حاجة تستدعى الزعل
كل ما فى الامر انه كان هيجى يخرج معايا وبابا قرر فجاءة اننا نسافر نصيف فى اسكندرية ..طبيعى انى اوافق على كلام بابا ..مهو مصيف بيحصل مرة فى السنة ...وقلت لخطيبى العندى اننا مسافرين ومش هينفع تيجى ودار الحوار الاتى ......
:

هو :مسافرين فجاءة كده؟
انا :ايوة بكرة ان شاء الله الصبح
.........................
انا :ايه مالك ساكت ليه؟
هو :لا ابدا مستغرب بس من السفر المفاجىء ده
انا :مهو احلى حاجة فى السفر انه يحصل فجاءة
هو :ماشى ترجعوا بالسلامة

خلاص كده ...وتانى يوم رنات بقى وعادى خالص ....اتصل....وكان الحوار الاتى :

هو :انتو فين ؟سافرتو ولا لسه؟
انا :احنا فى اسكندرية خلاص
هو:والله طيب كويس
انا :وانت فين؟
هو:انا فى العربية رايح راس البر
انا :ايه ده؟مش قلت انك مش فاضى؟مسافر ليه؟
هو: تغيير جو

برضه خلاص ....واستنيته على رنات انه يطمنى على وصوله ...ضرب طناش ...استنى مافيش فايدة ..اتصلت انا

انا :ايوة انت كويس؟
هو:الحمد لله بس تعبان شوية
انا :خير مالك فى حاجة حصلت ؟
هو :لا ابدا انا كويس بس الطريق تعبنى والعربية معصلجة شوية
انا:
طيب الحمد لله انك بخير


خلاص برضه ...استنيت يطمنى انه وصل ....مافيش حاجة خالص لا رنات ولا ميسدات ولا حتى رسالة

اتصلت تانى ...رد عليا صاحبه !!!!!!!!!!!!!!!!مين ده؟
انا: الو هو خطيبى كويس؟
صاحبه:ايوة كويس الحمد لله
انا :طيب هو ما ردش هو ليه؟فى ايه؟بجد هو كويس؟
صاحبه : ايوة والله كويس بس هو بيتعشى مش هيعرف يكلمك لما يخلص هيبقى يتصل بيكى


من امتى يعنى كان مابيردش عليا وهو بياكل ولا حتى ماشى فى الشارع ولا حتى فى وسط شغله ؟
بهبلى افتكرت انه تعبان بجد ..استنيت مكالمته .....طلع كويس مافهوش حاجة ..بس لانى كنت خايفة عليه نسيت اتخانق معاه انه ازاى مايردش عليا هو

قالى لما اجى لينا كلام مع بعض كتير فى حكاية السفر المفاجىء ده

على اخر اليوم حسيت انه بيعاند فيا وخلاص ...سافرت سافر ...عايزة اطمن عليه ..مايطمنيش الا بمزاجه هو وقت ما هو عايز...... عايز يخلينى اصالحه فى حاجة ما تزعلش....فيزعل ويفضل زعلان وكلامه غلس معايا علشان انا اصالحه
وده مش هيحصل ....هو فاكرنى بقيت مراته ما اتحركش الا باذن منه؟
قلت خلاص ...هو زعلان على حاجة ما يتزعلش منها ...انا بقى هزعل على كل اللى عمله فى اليومين دول بسبب عنده

طولت عليكم ....المشكلة كلها هى العند .....ابتدى حياتى معاه دولقتى على العند ده ..هيكون فى اوله خفيف خفيف ..وبعد شوية المشكلة تزيد
ويا ترى مين فينا اللى هيرخى للتانى علشان الحبل ما يتقطعش؟انا ولا هو؟

اكيد انا ..ما انا طيبة وغلبانة ومكسورة الجناح وقربت كل الابراج اللى فى نافوخى تطير

حاجة تجنن

هناك 12 تعليقًا:

kafrawy يقول...

هو مش فاضى

سافر راس البر


هو كان بيرن ويتصل

مش فاضى ع يتعشى


ااااااةةةةة



منكم يارجالة

ro7 يقول...

السلام عليكم
اولا وحشتيني واتمني تكوني بخير
وسط حرقة الدم دي كلها
بصي مسالة العند دي حاجة عادية انتي بذكائك هتوصلي لهدفك سواء انك ترخي
او بضعفك او باي وسيلة المهم هتعملي اللي انتي عايزاة والراجل مهما عمل ومهما كان فهو طفللللللللل
لكن مسالة العند توصل لانه يخلي زميلة يرد عشان الاستاز بياكل لا معلش لازم لها وقفة بجد ايه مفيش غيره
الاهون انة مكنش رد وكنسل افضل وعموما
عجبني اوي قلقك عليه
وحتة انكم تسافروا دي
تقوليلة اظن ان انت كراجل لو باباك قرر قرار زي دة مش هتقدر تراجعه فيه
ونصيحة مني لما يعند اعملي نفسك باردة اوي ولا حاسة باي حاجة لغاية ما يلاقي انه مفيش فايدة هو برج الطور ولا ايه
دة برجي ودة اكتر برج عنيد لكن مش للدرجة دي قوليله احنا مش في حرب هنا
اهدي شوية وما تبقيش وقفة في الكلام لما يحصل حاجة زي دي ومتفقين انكم هتتقابلوا بس في ظروف منعت قوليلة معلش انا كان نفسي اقابلك والله بس الظروف يلة الجايات اكتر من الرايحات
كنت اتمني تكون معانا في اليكس شوية كلام يطيبوا الخاطر بقولك اطفااااااااال وماتعتذريش تقوليلة لو كنت سيدة قراري وانا السبب كنت اعتذرت عن مقابلتك لكن مش انا
وربنا يهديه بقي واستخيري دايما
ماتبطليش استخارات
بحبك في الله

ro7 يقول...
أزال المؤلف هذا التعليق.
Tamer7na يقول...

انا على فكرة دخلت المدونة كدة
بس بجد العنوان جذبنى
و صحيح مين فينا لسة بعقلة
بس شوفى
هو مش يبان عنيد هو بجد عايزك كل حياتة و دة شيئ مش وحش
الوحش انك متفهمهوش
و تعملى اللى يزعلة
شكلة طفل صغير . و الأطفال اكثر الناس ممكن يترودوا
و كمان تحسي بأستمتاع فى دة
شدي حيلك معاه وحاولى تكسبية
تحياتى
تمر حنة

Tamer7na يقول...

اه على فكرة
ممكن تبقى تزورى المدونة عندى بجد
حستفاد من رايك
باي

ro7 يقول...

لسة بعقلي
نزلت بوست جديييييييييد
يلة عزماكي النهاردة
في مدونتي

لسه بعقلى يقول...

مساء السكر
-----------
ro7
------
(لكن مسالة العند توصل لانه يخلي زميلة يرد عشان الاستاز بياكل لا معلش لازم لها وقفة بجد ايه مفيش غيره)
لا والله يا روح ده طلع مظلوم ..كان فعلا تعبان ومارديش يقلقنى عليه زيادة
عملت زى ما قلتيلى يا روح ...
انا بجد كل يوم بيزيد اعجابى بيكى وبزكائك
ربنا يوفقك ويحققلك اللى نفسك فيه
وعلى فكرة انا بدخل اشوف ردك لكن معلش بتاخر فى انى ارد عليكى

هو مش برج الطور ولا حاجة انا حتى ما بهتمش بالابراج ..الحمد لله
كفاية برجين دماغى

جزاكى الله خيرا

لسه بعقلى يقول...

kafrawy
---------
انت بتقولى انا ..ما انت منهم وفاهمهم
-------------------------------
tamer7ena
---------
تفتكرى؟
طفل يعنى ؟يا سلاام ..لو كان كده فعلا يبقى خلاص بسيطة
بس بلاش يترودوا دى خليها نعرف نتعامل معاهم ...دول برضو ناس طيبة

من عنيا هزور مدونتك
-----------------------------------
ro7
-------
هجيلك طبعا يا روح
انا بزورك على طول
سلام

ابن حـجـر الـعـسـقـلانـى يقول...

هذا هو الرجل الشرقى .. يزهو بنفسه و يعلو كلما ازدادت المرأة ذلا و انكسارا ... و كأنه يتغذى على كرامتها و حريتها ... معلش يا بنتى .. الرجالة خلاص ما بقاش فيهم حد "راجل بجد" و نسيوا إن فيه آية بتقول "و لهن مثل الذى عليهن بالمعروف" و انما القوامة التى للرجل على المرأة هى فقط عشان يقوم بدور أكبر فى خدمة الأسرة مش فى استعباد الأسرة
خلاص سيبيه يروح لحاله.. و جدعة انك ثبتى على موقفك

عاوزة أفهم يقول...

بالضبط كده زى ما قال ليكى الأستاذ ابن حجر خلاص الراجل الشرقي بقي متسستم علي كده بس اكيد ما اتسستم لو حدة اكيد احنا كستات اسهمنا في ده سواء كنا اخوات امهات زوجات او حتى رفيقات إحنا السبب طبعا مع اعجابة بالدور اللي بيقوم بيه او اللي احنا رسمناهم علي صفحاتة كل واحد ماسكلك الرجال قوامون علي النسااااء ولا يعرف اي شئ تانى انا بتكلم علي الاعم من الرجال والاخص لانى صاحبة تجربة مميزة جدا بصي فين حقك دوري علية وخدية بسياسة وبادب او بالطريقة اللي تناسبك وتناسبة فيما عدا ذلك عن نفسي لا اقبل الا تحت شروط معينة لان الدنيا عمرها ما تكون قفش طبعا بجد انا نفسي اتكلم معاكى اوى اوى اوى لانى حساكى فوق ما انت تتخيلي وان العيول اللي هو عليها الان ده احسن مافي شخصيتة التقيل وراااا انا مش بخوفك من الواضح انك صاحبة فكر وان كنت شوية كوول في كلامك . كان الله في العون يافراشتى الصغيرة ننكن اعرف سنك بعد إذنك . لو مش عاوزة مفيش مشاكل .سلامى الحار ليكى ولباقي المشتركين والمشتركاااااااااااااات معلش طولت شوية بس انتى مش بتتكلمى عن موضوع عادى او يخصك لوحدك انتى بتتكلمى علي ماتقوم علية الدنيااااكاملة

لسه بعقلى يقول...

مساء السكر
----------
ابو حجر وعاوزة افهم
----------------------
..رايكم شديد حبتين ..محتاج انى افكر فيه شوية وبعدين ارد عليكم
...بس اكيد هرد
شكرا ليكم واكيد هستفيد من رايكم

غير معرف يقول...

ياأختي لاتشكي لي ابيكي لك
انا موبس مخطوبه انا مملكه وخطيبي يزعل على الفاضي والمليان واللي خله يتمادى معاي دلالي له وسرعة ارضائه والان له 20يوم ماكلمني وقررت اطنشه لان ورانا حياة ولازم نجي على قلوبنا ونعودهم على التعامل الصحيح مادمويجهلوه
نصيحه التطنيش احلى مضاد حيوي