١١/٠٥/٢٠٠٧

عيد الحب كان ..كاااااان امبارح


صباح الخير .....شوفتوا اللى حصل
امبارح كان كل الاحبة اتنين اتنين
عيد الحب
يعنى رومانسية ...رقة ...هدية ...دبدوب احمر وقلب احمر
يعنى يوم جميل على شط النيل ولا فى كازينو مشغل موسيقى هادية

ده كان تصورى انه هيحصل معايا انا بما انى مخطوبة ..بس الحقيقة بتقول انى محسوب عليا انى مخطوبة
لانه ما افتكرش ان امبارح كان عيد الحب
اتصلت انا بيه اقوله كل سنة وانت طيب ...قالى على ايه ؟
قلتله على عيد الحب
قالى يا شيخة ....عيد حب ايه ...انا ما بحبش الحاجات دى .....
!!!!!!!!!!!!!!!!!!!!!!!!!!!!!!!!!!!!!!!!!!!!!

حاجة تجنن

هناك ٥ تعليقات:

Ahmed Al-Sabbagh يقول...

عموما كل يوم حب وانتى طيبة

غيظية بقى وقولي لة فى ناس عيدو عليا

هيقوم الغيرة هتاكلة وهيجرى يشترى كل الدباديب اللى فى السوق وهيجى محمل دباديب

:)

تحياتى

شيمـــــاء يقول...

هههههههه وبعدين اتضرب ولا لسه ؟
ها

dark angel يقول...

يا ستي سيبك
احلى حاجة اننا بنفكر ان يوم ما هنتخطب هيبقى المشاكل اتحلتو بحب واحد في النور و اهلي راضيين بيه وفيلم هندي
تلاقيه اساسا و لا داري و مشغول باي حاجة تانية و ابعد ما يكون عن الرومانسية
بس و لا يهمك غيظيه و افرسيه و اقعدي حبي فيه
هتلاقيه اتعدى منك و مصير ابو الهول ينطق :)
وبعدين انا لو مكانك انا ازعل لو يوم عيد الحب العالمي اللي مش فاكرة امتى هوة نسيه لكن بصراحة عيد الحب دة انا مفتكرتوش الا من نايل اف ام
كل سنة و انتي طيبة
HAPPY VALENTINE 2 U

روح يقول...

بصراحة يالسة هو فعلا
في ناس مش بتحط في دماغها الحاجات دي
بحكم التدين او حتي التعود
ولازم تدركي ان في ناس عملية شوية
عموما جوزك علي ماتعودية الدنيا ماتهدتش يعني لما هتبقي معاه
ابقي حسسية اليوم دة بيحصل فية اية
ربنا يحببكم في بعض
بحبك في الله

smraa alnil يقول...

ههههههههههههه
طب احمدي ربنا انا بقول لخطيبي برضه كدة في عيد الحب
قالي احنا مش بتفرق معانا الحاجات دي

المهم اتجوزتي ولا لسة

وايه اخبارك