5/07/2008

كان بيحبها ....انا حظى حلو


كان بيحبها ...بيحلم باليوم اللى هيرتبط بيها ...عرفوا بعض لفترة طويلة وفجاة الحلم اتهد ...

كان بيحبها ...بس قرر يكمل حياته من غيرها ...نسيها او يمكن حاول ينساها ...
واتعرف على بنت جديدة ...يمكن بتشبها فى حاجات كتير ...لكن مش هى ...
اعجب بيها واتقدملها ...حبها وحبته ...لكن لسه فى قلبه مكان لحبه القديم ...

لسه فاكرها ...لكن بيحب خطيبته حب كبييييييير قوى ...لسه حاسس ان قلبه مجروح ...لسه بيغنى اغانى حزينة ...لسه بيسرح وبيفكر فيها ...بس مش لانه لسه بيحبها ..لكن الجرح لسه جواه

بيتحول فجاة لانسان صارم ...يتوعد ويهدد لو فكرت خطيبته تزعله او تازيه او تجرحه
فجاة يتحول لطفل صغير ...يخاف ويحس انه من غير امه ...يخاف من بكرة ..

لسه فاكر جرحها ليه ...مش طالب غير حب وحنان وصدق مشاعر ...

مش عايز غير انى احبه وافهمه واراعيه ...
تفتكروا بعد كل ده اقدر اتخلى عنه ؟
تفتكروا قلب لسه مجروح من حب قديم ...اجرحه والومه على انه لسه مجروح وانه لسه فاكرها ؟

ما قدرتش اواجهه بانى عارفة كل حاجة ...خفت عليه ...خفت يزعل منى ويفتكر انى مش مقدرة حبه ليا ...
خفت اخنقه بغيرتى واضغط عليه ...
خفت اعمل كده افكره بيها اكتر ....
قررت انى لازم افضل معاه
..مش هسيب جرح فى قلبه يفرق بيننا ولا قصة قديمة تقتل حبه الجديد ...تقتل فرحتى بيه وخوفه عليا ...

التجربة الاولى دايما بتعلم الانسان ...بتقوى قلبه ..بتخليه يتمسك اكتر بنجاح التجربة التانية ....

انا محظوظة ...الحمد لله ...رغم شوية الدموع اللى فى عنيا اللى حاولت اداريها عنه ...لكن بحمد ربنا انه معايا انا ...
الحمد لله


هناك 18 تعليقًا:

tamer.sala7 يقول...

كل اللي انتي كتبتيه ده كويس جدا يعني كلام جميل كلام معقول مقدرش اقول حاجة عنه
لكن اللي عايزك تتأكدي منه ان الراجل لو حب بجد والله مش بيعرف يخون ممكن تكون عينه زايغة شوية ممكن يكون لسانة طويل شوية انما اللي في القلب بيفضل في القلب

واحدة مفروسة يقول...

ايوووون الحمد لله........
انسى بقى و ماتفكريش غير انه معاكى...لان غير كده حتتعبى جداااااااااااااااااااااا
سلاااااااااااام

رئـــــيسـة حزب الأحلام يقول...

التجربه الاولى بتقوى الانسان بس افرضى انان بلا تجارب فى الحب ماذا سيحدث له انا من النوع اللى مابحبش التجارب الكتير وخاصة فى الحب لما يتضمن معنى بالنسبة لى ومايحملة من معانى لاتحتمل اى تجاب خصوصا فى مجتمع شبابه بيحب التسلية فقط لا غير

dark angel يقول...

لازم تاخدي بالك منه
جايز يكون حب و كمان اتجرح بس لما حب تاني اختارك انتي
الجرح مبيتنسيش و لو اتنسى بيعلم في الواحد شوية
و اي واحد اما يحب واحد تاني بيبقى همه يقف جمبه و يداوي جرحه
الماضي سيبيه للماضي و لو عارفة و هوة ميعرفش انك عارفة فعلا متفتحيش الموضوع معاه اقفي جنبه دة زي ما قلتي بيحبك
مالناش نلوم حد انه حب و اتجرح و نسي احنا نلوم عالدنيا اللي جرحته و الشخص اللي اذاه دة زي مانتي قلتي المجروح زي الطفل اللي عايز حب و حنان
و اديكي في الاخر قلتي انه معاكي انتي مش معاها هيا بجد الحمد لله على كدة و ربنا يخليكم لبعض
بوست جميل اوي
keep on writing it heals our souls and moves a gr8 burden from our hearts ...nice writings
سلام

ro7 يقول...

ما شاء الله اغبطك علي العقل دة
وطالما انك متاكدة من حبة ليكي
وخوفة عليكي احتوية اوي
وتعالي في لحظة صفا اطلبى منه تكونوا اصدقاء قبل أى شيء
وتعالي بصنعة لطافة قوليلة حبيبي
انت ما حبتش قبل كدة اكيد اي انسان
وبالذات الرجالة بتكون محتاجة
لاحتواء وعاطفة وبيمروا بتجارب
لان احتكاكهم بيكون اكتر بالغير
طمنيه الاول وشوفية هيرد بأية
لو انكر يبقي خايف علي مشاعرك
ومش عايز يفتكر الايام دي
ولو حكي يبقي متخذك صديقة فعلا
وانتي في الحالتين كسبانة
واهو فرصة توصلي بيها لدرجة كبيرة من الشفافية والصراحة بينكم
لانى بصراحة ضد ان واحد يكون عارف حاجة عن التاني والتاني ما يعرفش انة عارف انتى بشطارتك خلية يفضفض
ويحكى وبعد ما يحكي قوليلة
الحمد لله اننا مع بعض
واعاهدك اني اعوضك عن اي لحظة حزن
وجرح عشتها ربنا يباركلي فيك

زى الهوا يقول...

عاقلة من يومك برافو عليكى , بس برده اقعدى معاه قعدة خليه يتكلم عن الماضى , واتأكدى منه انه ما ارتبطش بيكى لمجرد انه عايز ينسى حبه القديم بيكى , انا ما اقصدش اوقعك معاه بس عايزاكى تخدى منه كلمة وعهد وربنا معاكى

Esraa Hamed يقول...

عجبني تفكيرك و حبك ليه جدااا
خليكي معاه بجد و حاولي دايما تعوضيه عن الجرح اللي انجرحه زمان و زي ما هو بيحاول ينسي اكيد انتي كمان متفتكريش
عشان طول منتي فاكرة هتفضل الدموع دي في عنيكي لو نسيتي هتلاقي انسان جديد قدامك
ربنا يكرمكوا يااااارب و يحببكوا في بعض اكتر

دمتي بتألق

safa7_karmooz يقول...

اسمعى اغنية عمرو دياب قالتلى قوول

catroz يقول...

حاسه بيكى اوى

بسمش معنى انه اتجرح يجرحك انتى

حاولى توصلى له النقطه دى بطريقه كويسه و متتفهمش غلط ...

الواحد لما بيتجرح ..ساعات بيبقى قاسى بعدين عشان ميتجرحش تانى..:)

ربنايخليكوا لبعض ياارب و يحفظكوا لبعض

مدينه الملائكه يقول...

السلام عليكم انا عارفه ان دي اول زيارة بس لفت نظري اوي عنوان البوست ولما قريته حسيته اوي بصي انا حصلي نفس الي حصل معاه هو يعني انا الي اتجرحت
هقولك احساسه
ونفسه في ايه
بصي لما حد بيتجرح اوي ومش بيكون حد جنبه بعد ما حبيبه سابه بيبقي عايش مايت عارفه يعني ايه عايش ميت كل الناس شيفاه عايش بس من جواه ميت واتحلل كمان ولما بيلاقي قلب حنين كله حب قلبه بيصحي من تاني وبيبقي زي الي كان تايه في صحرا بيبقي عايز ياخد حب كتير بس كله بحظر وخوف دة بيتعب بردو صدقيني لما تحسي اني ممكن تتكسري تاني او تفقدي الي داوي جرح قلبك انا بقولك ضميه بحبك وحنانك ليه اوعي تفقديه اوي تاسي عليه خليكي الحضن الدافي الي يلاقي فيه الامان بعد الضياع تحياتي هستنياكي تقوليلي انك عملتي ايه ربنا يوفقك من قلبي ربنا يوفقك ويقويكي في حبكم

مي

لسه بعقلى يقول...

مساء السكر

tamer.sala7
-----------
هو انا قلت حاجة غير كده؟
__________________________
واحدة مفروسة
------------
صح والله ...انا كنت قربت اتجنن من الشك والغيرة.
___________________________
رئيسة حزب الاحلام
---------------
مش انا صاحبة التجربة الاولى ...ده هو ...وبقول علشان كده الحمد لله لانه عايز التجربة التانية تنجح ...ام بخصوص الشباب والكلام ده ...احنا يا بنات خلينا مغمضين وفى حالنا وان شاء الله بيجى الانسان اللى يستاهلنا ...بس نكون واعيين مش خايبين
_____________________________
dark angel
-----------
ميرسى ليكى يا انجيل ،والله انا قلت لنفسى كلامك ده ...وده اللى خلانى اهدى
_____________________________
ro7
-----
مش عايزه اقوله يا روح اى حاجة
بصراحة مش عايزه اخليه يتكلم عنها قدامى تانى ،هو اصلا كان حكالى عنها قبل كده بس على انها واحدة واتقدملها وخلاص مافيش نصيب ،لكن حصلت حاجة خلتنى اتاكد انه كان بيحبها وانه لسه فاكرها ...اروح اقوله انا انت كنت بتحبها ولا لا ...ده انا ابقى عبيطة
انا انسيه خالص من غير ما اجيب سيرتها
شوية غيرة برضه
:)
______________________________
زى الهوا
---------
ايوة انا عارفة انتى جاية تهدى النفوس
هو يعنى لما هساله تفتكرى هيقولى لا انا ما بحبكيش ..انا بس بنسى الماضى معاكى؟مافيش حد عاقل يعمل كده...عمره ما هيقول...
ولو عايز ينسى حبه القديم ...انا قابلة ...طول ما هو بيراعنى وبيحبنى ...خلاص ...لكن لو قصر معايا يوم ...هتجنن عليه رسمى
ادعيلى بقى ما يقصرش
________________________________
Esraa Hamed
------------
ايوة فعلا انا لاقيت انسان جديد قدامى
بس مش علشان مافيش دموع فى عينى خلاص
لكن علشان انا اللى عايزة اشوفه بنظرة تانية وانسى اللى عرفته عن حبه اللى فات
________________________________
safa7_karmooz
-------------
سمعتها اربع خمس مرات ...هو غلطان فعلا انه حكالى عنها ...بس لو ماكانش حكالى ماكنتش هصدق انه ما معرفش اى حد قبل منى وهقول بيخبى عليا ...
ايوة احنا البنات كده ما بيعجبناش حاجة
______________________________
catroz
--------
على طول حاسة بيا يا كتروز
هو ما جحنيش عن قصد ...بس كلامه عنها وبعدين تاكدى من انه كان بيحبها كانت صدمة بالنسبالى ...وانا كنت عبيطة ...عرفوا بعض تقريبا سنة واتقدملها ...وكل ده ما كانش بيحبها ؟طيب تيجى ازاى ؟ انا كنت بضحك على نفسى وما كنتش عايزة اصدق انه كان بيحبها ...
امين يارب
ويخليكو لبعض انتو كمان
;)
________________________________
مدينة الملائكة
------------
عملت زى ما قلتى بالظبط الحمد لله اللى الهمنى الصبر والتحمل
ربنا يعوضك عن الجرح ده
بس نصيحة منى بقى اوعى تقولى ان شاء الله لشريك حياتك اى حاجة عن تجربتك دى
لان ردة فعل الراجل غير ردة فعل البنت
يعنى انا اتحملت وقولت هنسيه كل حاجة
لكن الراجل بيفضل يشك فى مراته طول حياته
________________________________
جزاكم الله خيرا كلكم بجد
مستنية بقية الناس ...
ادعوووووووووووولى

غير معرف يقول...

اهم حاجة يكون عدي وقت طويل بين نهاية علاقتة وبين ارتباطة بيك يعني مارتبطش بيكي علشان ينسي لكن نسي لوحدة وفكر في ارتباط جديد وربنا يوفقك

لسه بعقلى يقول...

صباح الخير
___________

غير معرف
_________
طيب شكرا ،بس انا ما بحبش حد يدخل وما يقولش هو مين ،الراجل الغامض متخفى يعنى ولا ايه ؟

هو صحيح ما فاتش وقت كبير ،بس كان وقت كفاية ،وخلاص بقى فاكر ولا ناسى المهم انه يكون بيحبنى

مش كده برضه ولا ايه ؟

نونو\ايمى يقول...

انا متجوزة من 4 سنين كنت عايشة نفس القصة بل كان اكتر من كدة بكتير جدا وربنا وفقنى واقدرت اغسل قلبة بدمى ودموعى الحنونة هو دلوقتى ميقدرش يعيش من غيرى حتى لو فى الشغل مع بعض على النت وجالة فرص شغل كتتتتتيرة برة رفض علشان ميسيبنيش
وعقبالكم وربنا يحببة فيكى ويحببك فية
ان شاء اللة
حافظى النوع اليحب مينيساش ميتعوضش تانى صدقينى واللة
باى باى

عاشقهm يقول...

خطيبي كان بيحب وحده موت بس هيه كان مكتوب كتابهاوسابتهوكمان عزمته عالفرح وبعد ماجابت بنت حاولت ترجعله وقالتله هطلق وارمي بنتي بس اجوزك هورفض وكان وقتهاعرفني وفضل يجري ورايا6سنين لغليه مااهلي وافقو واتخطبنا هوانسان رائع وانابموت فيه وحكالي عن كل ماضيه وقالي انه نسي هو محترم جدا ومبيخونيش بس حاسه انه لسه بيحبها والشك هيجنني بس بيموت فيا بجدوضحى بحجات كتير عشاني بس حاسه انه لسه بيحبها اعمل ايه

غير معرف يقول...

خطيبي كان بيحب وحده موت بس هيه كان مكتوب كتابهاوسابتهوكمان عزمته عالفرح وبعد ماجابت بنت حاولت ترجعله وقالتله هطلق وارمي بنتي بس اجوزك هورفض وكان وقتهاعرفني وفضل يجري ورايا6سنين لغليه مااهلي وافقو واتخطبنا هوانسان رائع وانابموت فيه وحكالي عن كل ماضيه وقالي انه نسي هو محترم جدا ومبيخونيش بس حاسه انه لسه بيحبها والشك هيجنني بس بيموت فيا بجدوضحى بحجات كتير عشاني بس حاسه انه لسه بيحبها اعمل ايه

غير معرف يقول...

الرجالةبيخونواحتى لو معاهم احسن واحدة وفى الاخر بيقولوا واللة انتى الافى القلب انافى انسان بحبةاوى موت كنت عايشة لية وبس خانى مع اعز انسانة ليا وهى كمان خانتنى معاة والاغرب ان هى مخطوبة لى حد بيحبها اوى بس هى مش مقدرة الحب دة شوووووفتوا الرجالة ازى بتخون كل دة علشان بقولة متشربش سجاير ومتعكسش البنات وصلى وصوم بس انا الا كان اختيارى غلط من الاول معرفتش اختار واحد احبة ويقدر الحب دة وانا عايزة اقول لكل بنت متحبوش غير لما تشوفوا الانسان دة يستاهل الحب دة ولا لا علشان الجرح مش بسيط واصعب حاجة جرح البنت صعب صعب اوى انا عندى اكثر من فرصة انى احب تانى بس خلاص انتهت علشان معتش حاجة اسمها حب انا كرهت الحب اتمنى ان كل البنات يعملوا بالنصبحة دى متحبيش غير لما تشوفى اخلاق الشخص وهيكون مناسب ولا لا اسمى المستعار @روميساء@

غير معرف يقول...

طالما انتي متاكدة انه بيحبك يبقى حاول استغلي ده وحاولي تخليه ينسى حبه القديم ساعات الجرح بيقى اقوي مننا لانه مدفون بقلبنا انا مجربة ده ف الحقيقة بس الحمد لله ف النهاية بس اطمني يا جميل الجرح هيروح لحاله بس عايز وقت حاولي تصاحبي اكتر ويحكيلك وتكوني معاه ف كل خطوة واوعى تزهقي لانه اكيد هيشيلك ده ف يوم من الايام بس هو يفوت من الحالة ايلي هو فيه وان شاء الله مش هياخد وقت وع فكرة مش شرط انه مش عارف ينساها يبقى لسه بيحبها لا خااااالص هو لسه مش عارف ينسى جرحه.وف نهاية كلامي اتمنى لكم حياة سعيدة وربنا يوفقكم ويوفقنا جميعا
وتقبلي مروري
اختك ايمي