6/01/2008

ادعولى

انا مش جاية اشتكى المرة دى من خطيبى

ولا جاية احكى حاجة

انا جاية بس اقولكم ادعولى ...وخصوصا حبيبتى روح
ادعيلى قوى

الشهر ده اللى هو بدايته النهاردة هيفرق معايا قوى ...كل يوم هيعدى فيه يا اما هينقص من عمرى يا هيزوده ،ومش هعرف غير فى اخر الشهر ده

مش عايزاكم تتخضوا ،الموضوع مش موضوع صحة ولا مرض الحمد لله
الموضوع مادى ومالى جدا ...زى اى حاجة بقت فى دنيتنا دى ،كل حاجة بقت ماشية بالفلوس

ادعولى ...انا حاسة انى فى كرب عظيم مش هيخرجنى منه غير ربنا سبحانه وتعالى ...لانى مش لاقية حل ولا مخرج اقدر اعمله

ادعولى ...هو يمكن ابتلاء من ربنا لينا ...ادعولى اثبت فيه

مش عايزة غير دعاكم بس وياريت توصوا كل الناس تدعيلى ...الشهر ده بس يا جماعة ...ال30 يوم دول بس

شكرا ...واسفة مش هقدر ارد على تعليقاتكم لا فى البوست ده ولا اللى قبل منه لكن هتابعكم من وقت للتانى

شكرا

هناك 7 تعليقات:

momken يقول...

اللهم يا حنان يا منان
ياذا الجلال والاكرام
اللهم انى اسالك بانك انت الواحد الاحد
ان تفك كرب عبدتك وتفرج همها
وتبدلها فرحا وسرورا
وان توسع عليها
اللهم يا رازق من يؤمن بك ومن يكفر اسالك باسمك الرزاق ان توسع لها رزقها

وانصحك...بالستغفار المستمر
وانصحك....بالتكبير قبل الافعال
وانصحك...بالتوكل على الله
وانصحك...باقامه الصلاه

دعواتى وتحياتى

واحدة مفروسة يقول...

ربنا معاكى و يفك كربك يا رب

بندقه يقول...

هندعيلك ليه طيب مش نعرف عشان الدعوهه تكون موجهه صح

ايه الازمه الماليه دى وعندك ولا عند العريس
وعموما ربنا يسهلك

ro7 يقول...

إيه ياقلبي مالك خير ان شاء الله
اسأل الله العظيم رب العرش الكريم
ان يفرج همك وكربك ويبدلك سعادة
ان شاء الله خير بس كنت عايزة اطمن عليكي اكتر خلي بالك من نفسك
اميلي مكتوب في البروفايل
ياريت تكتبيلي رقم موبايلك
عشان اتصل بيكي وهوني علي نفسك
ومتنسيش ان مع العسر يسرا
ومتنسيش قيام الليل وان شاء الله
ربنا هيعطيكي وهيفرج عنك وهتشوفي
بحبك

fatma يقول...

ايه يا جميل
معلش انا دخلت متاخرة يادوب لسه مخلصه امتحانات

ربنا يهديكى ويفك همك وكربك يارب
اجمدى كده وشدى حيلك وارجعى
المدونة دى علشانك تفضفضى ونتكلم مع بعض يمكن نعرف نخرجك من اللى انتى فيه

ارجعى بقى بحكاويكى الحلوة
ماتغيبيش الشهر اللى بتقولى عليه ده
وربنا يكرمك

لسه بعقلى يقول...

مساء السكر والعسل
_____________________

اتارخت عليكم انا اسفة بس بجد ربنا يخليكم ويجازيكم كل خير

الحمد لله الحمد لله الحمد لله الحمد لله بجد
ربنا كرمنا الحمد لله وربنا كريم فعلا

جزاكم الله خيرا على الدعاء وعلى المشاركة

النهاردة 1/7/2008
والحمد لله ربنا سهلنا كل صعب الحمد لله

زى الهوا يقول...

الحمد لله , بس ماتحكيلنا ايه اللى حصل ؟؟؟